कशी ठुमकत निघाली गवळण

वाऱ्याच्या वाऱ्याच्या तोलान

कशी ठुमकत निघाली गवळण ॥धृ॥

माठ दुधाच डोईवरी,

पदर उडतो वाऱ्यावरी

पायी पैंजण वाजती रुणझुण ॥१॥

नंदाचा ग श्रीहरी,

नको दुरावा ये जवळी

पायी पैंजण वाजती रुणझुण ॥२॥

एका जनार्दनी भेटीसाठी,

धावत आले यमुनेकाठी

पायी पैंजण वाजती रुणझुण ॥३॥

नाथ माझा काळभैरी

नाथ माझा काळभैरी अवतार शिवाचा
अवतार शिवाचा नाथ अष्टभैरवाचा...


नाथ करसुंडीचा त्याची घोड्यावरी स्वारी
घोड्यावरी स्वारी त्यांना गाठली सोनारी ...


काळभैरवाला आवडे बेलाच रं पान
बेलाच रं पान भाळी गुलालाच लेन...


सत्व घेत नाही नाथ भक्तांच्या भक्तीचा..
भक्तांच्या भक्तीचा मार्ग दावतो मुक्तीचा..


आदिमाया जोगेश्वरी भैरवाची कांता..
भैरवाची कांता मिटवी भक्तांची ती चिंता..


सोनारीच्या नाथाचा सावळा सावळा रंग
जोगेश्वरीचा भरला मोती आणि भांग

श्रृंगार नार नटली

श्रृंगार नार नटली, गवल्याची सुंदरी ।

रूप मोहुनिया जाते, मदनाची मंदिरी…।।

कुंकू कपाळी, डोळ्यात काजळ पैंजन छम छमनारी..
हातात कंगन, नाकात नथनी पदर डोईवरी ।।

फुलला सोनचाफा, मोहर प्राजक्ताचा

बहरला सुगंध, अबोली-मोगऱ्याचा..

मथुरे जाऊ चला ग, घेऊन गोरस घागरी..।।

तुझा कृष्ण मुरारी माझी छेड काढीतो

धरुनी ग हात माझा पदर ओढीतो

तुझा कृष्ण मुरारी माझी छेड काढीतो //धु//

बाजारी जाता घोर वाटे जीवाला

कुठून अचानक येतो आडवा वाटेला

दही दूध चोरून माझा घडा फोडीतो

तुझा कृष्ण कन्हैया माझी छेड काढीतो //1//

जमवूनी गोपि राधा सांगे गवळणीना

गोकुळात साऱ्या कान्हा घालितो धिंगाणा गोठातल्या गाई म्हशी तो ग सोडीतो

तुझा कृष्ण सावळा ग माझी छेड काढतो//2//

यशोदा म्हणे आता बांधुनी उखळला

समजावून सांगते मी माझ्या बाळाला

विनवूनी त्याला आज हात जोडीतो

तुझा कृष्ण मुरारी माझी छेड काढीतो //3//

राधा आलिया गोडीला

राधा आलिया गोडीला, येऊन बसली जोडीला

आज नेतो गं राधे तुला, माझ्या गोकुळ नगरीला || धृ ||

मी गवळ्याची राधा, तू नंदाचा कान्हा

तुला सोडून राधिके, मला तीळभर करमेना

कोणी सोडणार नाही ग,

राधा कृष्णाच्या जोडीला

आज नेतो गं राधे तुला,

माझ्या गोकुळ नगरीला || १ ||

मी नंदाचा कान्हा, तू गवळ्याची राधा

भूललो ग राधिके, तुझ्या गोर्या रंगाला

कोणी सोडणार नाही ग,

राधा कृष्णाच्या जोडीला

आज नेतो गं राधे तुला,

माझ्या गोकुळ नगरीला || २ ||

एका जनार्दनी गवळण राधा,

खोटं बोलू नको कान्हाला

कोणी सोडणार नाही ग,

राधा कृष्णाच्या जोडीला

आज नेतो गं राधे तुला,

माझ्या गोकुळ नगरीला || ३ ||

राधा आलिया गोडीला, येऊन बसली जोडीला

आज नेतो गं राधे तुला, माझ्या गोकुळ नगरीला

जय देवा जय देवा भैरवा शिव अवतारा

जय देव जय देव भैरवा शिव अवतारा, शिव अवतारा, 

आरती ओवाळू, आरती ओवाळू, माझ्या काळभैरवा !!

काळ्या घोडयावरती देव माझा निघाला, 

देव माझा निघाला सोनारी गावात. त्यानं दैत्य मारीला !. 

जय देव....

काल भैरव नाथ आहे भक्त कैवारी देव भक्ताचा कैवारी

जोगेश्वरी कांता आहे त्याच्या शेजारी 

जय देव... 

अरे कापराच्या ज्योती लावून, आरती ओवाळू चला आरती ओवाळू, 

या भैरी गा नाथाची.. चला दिवटी पाजळू !! 

जय देव....

आई गं अंबा बाई तुझ्या पाजळल्या ज्योती

आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू
आरती ओवाळू अंबे करू आरती

आल्या गेल्या हाती देवी धाडी निरोप
देवी धाडी निरोप
तुळजापूर दावत माझं पुन दैवत
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती

पिवळा पितांबर त्याला मोत्याचं घोसं
हिऱ्या मोत्याचं घोसं
आरतीच्या वेळा अंबा पातळ नेसं
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती

दरबारात भक्त तुझी वाट ही पाहती
देवी वाट ही पाहती
भोळ्या भाविकाला देवी पावन होती
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती

बान काखेमधी गं बाई परडी हातात
माळ गळ्यात
जोगवा मागत देवी आली रावळात
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती

कापराच्या ज्योती पंच प्राणाची आरती
पंच प्राणाची आरती
ओवाळू आरती अंबे तुझी मूर्ती
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती

शिवासींना आरती घाई तुझ्या मंदिरी
देवी तुझ्या दरबारी
भोळ्या सेवकाला देवी पाव सत्वरी
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती

आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती
आई गं अंबा बाई तुझ्या पाजळल्या ज्योती
तुझ्या पाजळल्या ज्योती
आरती ओवाळू अंबे करू आरती