तुझा कृष्ण मुरारी माझी छेड काढीतो

धरुनी ग हात माझा पदर ओढीतो

तुझा कृष्ण मुरारी माझी छेड काढीतो //धु//

बाजारी जाता घोर वाटे जीवाला

कुठून अचानक येतो आडवा वाटेला

दही दूध चोरून माझा घडा फोडीतो

तुझा कृष्ण कन्हैया माझी छेड काढीतो //1//

जमवूनी गोपि राधा सांगे गवळणीना

गोकुळात साऱ्या कान्हा घालितो धिंगाणा गोठातल्या गाई म्हशी तो ग सोडीतो

तुझा कृष्ण सावळा ग माझी छेड काढतो//2//

यशोदा म्हणे आता बांधुनी उखळला

समजावून सांगते मी माझ्या बाळाला

विनवूनी त्याला आज हात जोडीतो

तुझा कृष्ण मुरारी माझी छेड काढीतो //3//