अंत नको पाहू जीव व्याकूळ झाला
तुझ्या दर्शनाची ओढ लागो मनाला
रोज रोज हित हा जीव, जीव भयभीत झाला
दार बंद करूनी देवा गप्प तू का झाला
चूक झाली या मानवा कर माफ त्याला
तुझ्या दर्शनाची ओढ लागो मनाला ||१||
अंत नको पाहू जीव व्याकूळ झाला
गोर गरीबांचा जीव काकुळतीला आला
शिक्षा मोठी दिली देवा पश्र्चाताप झाला
संकट दूर करूनी तार पामराला
तुझ्या दर्शनाची ओढ लागो मनाला ||२||
अंत नको पाहू जीव व्याकूळ झाला
संसाराचा खेळ सारा पालटूनी गेला
नशिबाचा डाव देवा बंद का तू केला
देह सारा थकला व्यथा सांगू कुणाला
तुझ्या दर्शनाची ओढ लागो मनाला ||३||
अंत नको पाहू जीव व्याकूळ झाला
No comments:
Post a Comment