समयासी सादर व्हावे

समयासी सादर व्हावे |

देव ठेवील तैसेचि रहावे ||धृ||

कोण्या दिवशी बैसुनी हत्तीवर |

कोण्या दिवशी पालखी सुभेदार |

कोण्या दिवशी पायीचा चाकर |

होहुनी चालावे ||१||

कोण्या दिवशी बैसुनी कणगीवर |

कोण्या दिवशी घरात नाही धान्ये |

कोण्या दिवशी द्रव्याची साठवण |

करून ठेवावे ||२||

कोण्या दिवशी यमयेती चालून |

कोण्या दिवशी प्राण जाती घेऊन |

कोण्या दिवशी स्मशानी जाऊन |

एकटेची बैसावे ||३||

कोण्या दिवशी होईल गुरुकृपा |

कोण्या दिवशी चुकतील चौऱ्यांशीच्या खेपा |

कोण्या दिवशी सावता माळ्या |

दर्शन द्यावे ||४||