विठू रायाची नवरी झाली ग

अशी रुक्मिणी बावरी झाली ग

                विठू रायाची नवरी झाली ग || धृ ||

चंद्राला मिळाली चांदणी,

विठ्ठला मिळाली रुक्मिणी,

धरणी माता ही, प्रसन्न झाली ग || १ ||

                विठू रायाची नवरी झाली ग || धृ ||

भीष्मा राजाची लाडाची लेक,

दिसायला आहे लाखात एक,

लाड लाडाने बावरी झाली ग || २ ||

                विठू रायाची नवरी झाली ग || धृ ||

घरात रुक्मिणी रुसायची, 

विठूला बघून हसायची,

चंद्रभागा प्रगट झाली ग || ३ || 

                विठू रायाची नवरी झाली ग || धृ ||

चंद्रभागेला आलाय पूर,

पुंडलिकाच्या पायरीवर,

देवा देवाची गर्दी झाली ग || ४ ||

                विठू रायाची नवरी झाली ग || धृ ||

यशोदे तुझा कान्हा

यशोदे तुझा कान्हा, यमुना डोही बुडाला ना

कृष्ण बुडाला, कान्हा बुडाला, हरी बुडाला 

ना ना ना ना ना ................... || धृ ||

खेळत होता विटी दांडू, विटी उडाली ना

त्याची विटी उडाली ना

ना ना ना ना ना ................... || १ ||

खेळत होता चेंडू फळी, चेंडू बुडाला ना

त्याचा चेंडू बुडाला ना

ना ना ना ना ना ................... || २ ||

एका जनार्दनी पूर्ण कृपेने, हरी बुडाला ना

त्याचा हरी बुडाला ना

ना ना ना ना ना ................... || ३ ||