अरे अरे अरे नको नको नको हात घालू डेऱ्यात |
तुला गोडीने सांगते मारीन गालात ||धृ||
दही ठेवलाय चिंच्यावरी, म्हणतो दे मजला लवकरी |
चिंचे तोडूनी माठ फोडुनी आणलाय दारात ||१||
तुला गोडीने सांगते मारीन गालात ||धृ||
तुला बांधील उकळाला, दोर बांधिला पायाला |
गर गर गर उकळ फिरून, आणलाय दारात ||२||
तुला गोडीने सांगते मारीन गालात ||धृ||
एका जनार्दनी हे भाव, सद्गुरूला शरण जावं |
रंग सावळा रूप गोजिरे भरलंय मनात ||३||
तुला गोडीने सांगते मारीन गालात ||धृ||
-- संतश्रेष्ठ श्रीएकनाथ महाराज
No comments:
Post a Comment