कधी लागेल रे वेड्या तुला गोडी अभंगाची ||धृ||
मनो भावे भजन कर तू प्रभू च्या लाग चरणाला,
करून घे भक्तीने शुद्धी तुझ्या त्या अंतरंगाची ||१||
असे हा जन्म मोलाचा, नको तू घालवू वाया,
सदा गा रे भूपाळी तू सकाळी त्या श्रीरंगाची ||२||
धनाचा लोभ तू सोडून दे, धरी सन्मार्ग नेकीचा,
जपुन तू चाल रे वेड्या तुटेल ही दोर पतंगाची ||३||
मिळावी मुक्ती म्हणुनी भक्ती कर, भटकू नको जगभर,
तुला जाणीव रे होईल आलेल्या घोर प्रसंगाची ||४||
No comments:
Post a Comment