रूप घेउनी कासार झाला |
हरी बांगड्या विकाया आला ||
बाई खट्याळ हा नंदलाला |
हरी बांगड्या विकाया आला ||धृ||
नक्षीदार हिऱ्या मोत्यांनी |
रंगी बेरंगी त्याच्या सरी |
चुडा भरून घ्या पोरीनो म्हणाला ||१||
हरी बांगड्या विकाया आला ||धृ||
कसा भरला हाती तो मला चुडा |
त्याच्या भक्तीमध्ये जीव झाला वेडा |
कुठल्या किंमतीचा दाम देऊ त्याला ||२||
हरी बांगड्या विकाया आला ||धृ||
कधी डाव्या हाती, कधी उजव्या हाती |
न्याहाळले मी त्याच्या हाती |
मन मोहून तल्लीन झाला ||३||
हरी बांगड्या विकाया आला ||धृ||
No comments:
Post a Comment