गायी चराया रानात गेला गं माझा गोपाळ घोंगडीवाला
गोपाळ घोंगडीवाला, माझा गोपाळ घोंगडीवाला
कैसा गौळणीच्या रंगात रंगला रं, माझा गोपाळ घोंगडीवाला ||धृ||
काय सांगू तरी माझा जरी, माझा सखा जरी, जातो गौवळ्याघरी
माझा सखा जरी, जातो गौवळ्याघरी
कैसा गौळणीच्या रंगात रंगला रं, माझा गोपाळ घोंगडीवाला ||१||
ही गौवळ्याची पोरं, याला म्हणताती चोरं, कैसा रिकामा पोरं
याला म्हणताती चोरं, कैसा रिकामा पोरं
कैसा गौळणीच्या रंगात रंगला रं, माझा गोपाळ घोंगडीवाला ||२||
एका जनार्दनी हरी कुंजवना, हरी कुंजवना, गाई राना वना
हरी कुंजवना, गाई राना वना
केला कृष्णानं गोपाळ काला रं, माझा गोपाळ घोंगडीवाला ||३||
-- संतश्रेष्ठ श्रीएकनाथ महाराज
No comments:
Post a Comment