हरपल मल्हारीच सार देहभान || धृ ||
बानुच्या नादान देव चंदनपुरी गेला
बानूला पाहून माझा देव वेडा झाला
न्याहाळीतो लावण्य अति रूपवान
हरपल मल्हारीच सार देहभान || १ ||
बानू बाईच्या तो शेळ्या मेंढ्या चारी
बानुचा चाकर झाला तो मल्हारी
उन्हामध्ये फिरतोय सारं माळ रान
हरपल मल्हारीच सार देहभान || २ ||
शेळ्या मेंढ्या धुतोया लावूनीया जोर
आपटून मेंढ्या मारील्या खडकावर
मुक्या जीवाचं त्यान केलं बलिदान
हरपल मल्हारीच सार देहभान || ३ ||
त्याग केला बांधून शेळ्या मेंढ्यांसाठी
लग्नासाठी मल्हारी बानू बाई पाठी
करीन जिवंत मेंढ्या देईन जीवदान
हरपल मल्हारीच सार देहभान || ४ ||
उचेकरा मल्हारी च्या भक्तीची आवड
गोड मुखान भक्त गाई गाणं गोड गोड
देवाला देतो भंडाऱ्याचा मान
हरपल मल्हारीच सार देहभान || ५ ||
No comments:
Post a Comment