पोरगं कुणाचं ग बाई पोरगं कुणाचं || धृ ||
भर दुपारी घरात येतो
दही दूध तूप लोणी चोरून खातो
वेणी ओढीतो ग माझी वेणी ओढितो
पोरगं कुणाचं ग ..... || १ ||
दही दूध घेऊनी मथुरेसी जाता
आड रस्त्यावर कृष्ण उभा होता
खोडी काढीतो ग माझी खोडी काढितो
पोरगं कुणाचं ग ..... || २ ||
एका जनार्दनी विनविते राधा
शरण मी आले तुला मुकुंदा
मोठया मनाचं पोरगं नंदाच
पोरगं नंदाच ग बाई पोरगं नंदाच ..... || ३ ||
मोठया मनाचं पोरगं नंदाच
पोरगं कुणाचं ग .....
